Sbwriel a baw ci

Cadwch Dorfaen yn Daclus

Mae gan y cyngor rym i roi dirwyon o £100 yn y fan a’r lle i unrhyw un sy’n cael eu dal yn gollwng sbwriel. Mae hyn yn cynnwys sigarennau a phethau fel gweddillion afal a chroen banana. Gall rhai pethau gymryd cannoedd o flynyddoedd i ddadelfennu.

Gall unrhyw un sy’n cael eu dal yn peidio â glanhau baw eu ci hefyd gael dirwy o £100 yn y fan a’r lle.

Gallwch ddweud ar broblem sbwriel neu ddweud am faw ci ar-lein.

Gallwch ddweud hefyd trwy ap Cyngor Torfaen neu drwy ffonio 01495 762200.

Beth mae’r cyngor yn ei wneud?

• Gwacau 700 o finiau sbwriel bob wythnos
• Glanhau canolfannau siopa lloeren bob dydd
• Glanhau bob stryd unwaith bob pythefnos
• Gweithio gyda Chadwch Gymru’n Daclus i ddarparu hybiau casglu sbwriel cymunedol
• Gweithio gyda Chadwch Gymru’n Daclus i greu Parthau Di-sbwriel o amgylch ysgolion neu fusnesau
• Cefnogi grwpiau gwirfoddol sy’n casgli sbwriel

Beth allwch chi wneud?

• Codwch sbwriel fed pecynnau creision neu ganiau diodydd a’u rhoi yn y bin sbwriel agosaf.
• Gwirfoddolwch i fod yn godwr sbwriel. Am fwy o wybodaeth, cysylltwch â’n swyddog Sbwriel a Thipio Anghyfreithlon, Oliver James, am gymorth trwy oliver.james@torfaen.gov.uk
• Dywedwch am drolïau wedi eu gadael trwy wefan TrolleyWise
• Dywedwch am broblem sbwriel neu dywedwch am broblemau baw ci  ar-lein ne drwy ein ap.