Eich Cartref

Gallwch helpu i gynllunio ar gyfer argyfwng trwy gymryd rhai camau syml a dod yn fwy cyfarwydd â'ch cartref.

Mae'n bwysig eich bod yn dysgu rhai pethau sylfaenol am eich cartref fel eich bod yn y sefyllfa orau posibl i ddelio ag argyfwng pe byddai'n digwydd.

Gofynnwch y cwestiynau canlynol i chi'ch hun:

• Sut byddech chi'n diffodd eich cyflenwadau trydan, nwy a dŵr?
• Ble mae'r llwybrau dianc yn eich cartref ac o gwmpas eich cartref?
• A yw eich dogfennau pwysig yn cael eu cadw mewn cynhwysydd gwrthdan?
• A ydych chi ac aelodau eraill y teulu yn gwybod ble y cedwir y dogfennau hyn pe byddai angen i chi adael eich cartref?
• A yw eich dogfennau yswiriant yn gyfredol ac a oes gennych chi ddigon o yswiriant ar gyfer eich cartref a'i gynnwys?
• A oes gennych chi rifau ffôn cyswllt ar gyfer teulu, ffrindiau ac ysgolion ar gael yn rhwydd pe byddai angen i chi adael eich cartref?

Yn ystod argyfwng, mae'r eitemau canlynol yn ddefnyddiol hefyd, felly gwnewch yn siwr eu bod ar gael a bod holl aelodau'r teulu yn gallu cael gafael arnynt yn rhwydd mewn argyfwng:

• Pecyn Cymorth Cyntaf
• Tortsh a batris sbâr
• Rhestr cysylltiadau mewn argyfwng a llyfr nodiadau/pen a phensil
• Radio a bwerir gan fatri
• Dŵr potel rhag ofn nad yw dŵr y prif gyflenwad ar gael
• Dillad cynnes a blancedi
• Cyflenwadau o fwyd sy'n barod i'w fwyta