Tywydd Garw

Gall tywydd garw fel stormydd, llifogydd, eira a thymheredd eithafol roi bywydau mewn perygl ac amharu ar drafnidiaeth a gwasanaethau lleol.

I gael gwybodaeth am unrhyw rybuddion a rhagolygon tywydd cyfredol, ewch i  wefan y Swyddfa Dywydd.

Am gyngor iechyd mewn perthynas â phob math o dywydd garw gweler Y Tywydd ac Iechyd - Iechyd Cyhoeddus Cymru

Trafnidiaeth a Ffyrdd

Yn ystod tywydd garw, gall ffyrdd gael eu rhwystro a gall trafnidiaeth gyhoeddus fod yn gyfyngedig.  Mae Cyngor Bwrdeistref Sirol Torfaen yn cydlynu clirio ffyrdd yn y fwrdeistref ac yn ceisio cadw'r prif lwybrau ar agor fel blaenoriaeth.  Efallai y bydd ffyrdd preswyl ac isffyrdd yn parhau i fod heb eu clirio felly cynghorir cymryd gofal os ydych chi'n teithio yn ystod tywydd garw.

Bydd cyngor ar unrhyw gau ffyrdd neu gyfyngiadau ar drafnidiaeth gyhoeddus yn cael ei ddarlledu ar eich gorsafoedd radio lleol ac efallai y cewch eich cynghori i adael eich car gartref.  Dilynwch unrhyw gyngor gan y gwasanaethau brys i osgoi teithio os oes rhybuddion ar waith.

I gael rhagor o wybodaeth am gau ffyrdd

Gwybodaeth Traffig Cymru - Ffôn: 0845 602 6020 neu ewch i Traffig Cymru

Cau Ysgolion

Weithiau, efallai y bydd angen cau ysgolion yn ystod cyfnodau o dywydd rhewllyd neu eira.  Yn ogystal â monitro sianeli cyfryngau lleol, gall trigolion gael diweddariadau rheolaidd ar wefan Cyngor Bwrdeistref Sirol Torfaen neu drwy ddilyn tudalennau cyfryngau cymdeithasol y Cyngor:

www.twitter.com/cyngortorfaen neu www.facebook.com/torfaen

Methiannau Cyfleustodau

Gall cyfnodau o dywydd garw effeithio ar gyflenwad cyfleustodau fel Trydan, Dŵr, Nwy, a gwasanaethau Telegyfathrebu i'r cartref.

Gellir rhoi gwybod am fethiannau cyfleustodau gan ddefnyddio'r manylion cyswllt ar y cysylltiadau mewn argyfwng.