Cynllunio Parhad Busnes

Diben yr arweiniad yn yr adran hon yw rhoi gwybodaeth gyffredinol am gynllunio at argyfwng. Nid yw wedi'i fwriadu i ddisodli arweiniad manwl a chynlluniau sy'n benodol i'ch busnes chi.

Mae Deddf Cynlluniau Wrth Gefn Sifil 2004 yn gosod dyletswydd ar awdurdodau lleol i hybu Rheoli Parhad Busnes a, lle bo'n bosibl, rhoi cyngor ar Barhad Busnes i sefydliadau masnachol a gwirfoddol.

Beth yw Parhad Busnes?

Proses reoli yw Rheoli Parhad Busnes sy'n helpu i reoli'r risgiau i weithrediad llyfn sefydliad neu ddarpariaeth gwasanaeth, gan sicrhau y gall parhau i weithredu i'r graddau sy'n ofynnol yn achos unrhyw amhariad.

Term arall a ddefnyddir yn gyffredin yw Adfer Wedi Trychineb, sef dull cytunedig a chynlluniedig o adfer eich seilwaith TGCh critigol yn achos amhariad mawr.

Pam mae Parhad Busnes yn bwysig?

Heb gynllunio parhad busnes yn effeithiol, gallai trychineb naturiol neu o wneuthuriad dyn arwain at unrhyw un o'r canlynol:

  • Methiant llwyr o'ch busnes
  • Colli incwm
  • Colli enw da neu golli eich cwsmeriaid
  • Cosbau ariannol, cyfreithiol a rheoleiddiol
  • Materion adnoddau dynol
  • Effaith ar daliadau neu bremiymau yswiriant

Cynllunio Parhad Busnes

I gynllunio ar gyfer ymateb llwyddiannus i amharu ar fusnes, dylech:

  • Deall y swyddogaethau craidd, hanfodol y mae eich gwasanaeth yn eu darparu
  • Ystyried pa fath o amhariad allai atal eich bwriad i gyflawni'r swyddogaethau hynny e.e. tân, llifogydd, colli staff, TGCh
  • Asesu'r camau diogelu sydd gennych ar waith a fyddai'n eich galluogi i gynnal darpariaeth gwasanaeth, hyd yn oed i raddau llai na'r gorau posibl. Gweithredwch gamau ychwanegol os ystyrir bod y mesurau presennol yn annigonol.
  • Paratoi cynllun y gellid ei ddefnyddio fel canllaw yn ystod cyfnodau o amhariad sy'n sicrhau bod y mesurau amddiffynnol yn cael eu gweithredu.
  • Cynnal a phrofi'r cynllun i sicrhau ei fod yn parhau i fod yn berthnasol a cheisio gwelliant parhaus.
Diwygiwyd Diwethaf: 25/03/2025
Am ragor o wybodaeth cysylltwch â:

Rheoli Argyfyngau
Ffôn: 01495 762200

Nôl i’r Brig