Beth i'w wneud mewn argyfwng
Os bydd argyfwng, ceisiwch gadw'n bwyllog a gwnewch y canlynol:
- Os oes bygythiad uniongyrchol i fywyd, ffoniwch 999 a gofynnwch am gymorth gan y Gwasanaethau Brys.
- Dilynwch sianeli newyddion / radio lleol / sianeli cyfryngau cymdeithasol o ffynonellau dibynadwy ar gyfer diweddariadau swyddogol - byddwch yn ofalus rhag camwybodaeth.
- Os yw’n bosibl, gwiriwch y sefyllfa gyda’ch cymdogion, yn enwedig y rhai sy'n anabl neu'n henoed ac sydd efallai ddim yn ymwybodol o'r sefyllfa.
- Efallai y cewch eich cynghori i adael neu aros yn eich cartref. Dilynwch unrhyw gyngor a roddir gan y gwasanaethau brys.
- Os ydych chi'n gadael, cofiwch ystyried unrhyw ofynion meddyginiaethol, anifeiliaid anwes, ffonau/gwefrwyr, cysylltiadau brys
- Os oes perygl o ollyngiad nwy neu unrhyw awyrgylch ffrwydrol arall, peidiwch â chynnau unrhyw switshis trydanol ymlaen, canhwyllau neu fatsis.
- Os oes argyfwng a gofynnwyd i chi aros gartref, ewch i mewn gan gau'r holl ddrysau a ffenestri a chaewch unrhyw awyrdyllau nad ydynt yn hanfodol. Monitrwch sianeli newyddion am ddiweddariadau.
Teithio – osgowch deithio os yw'r rhybuddion tywydd yn cynghori yn erbyn hynny. Os oes angen i chi deithio, rhag ofn y bydd eich cerbyd yn methu neu y cewch eich ynysu, byddwch â’r canlynol yn eich car:
- Dillad cynnes a gwrth-ddŵr, menig, het, ymbarél
- Esgidiau cadarn
- Dŵr a rhywfaint o fwyd ar gyfer argyfwng
- Siaced Hi-Vis
- Fflachlamp
Diwygiwyd Diwethaf: 25/03/2025
Nôl i’r Brig