Hybiau casglu cynwysyddion ailgylchu

Beth sydd yn yr hybiau?

• Bagiau Glas
• Blychau Du
• Sachau i’r Cadi Brown bach
• Cadi Bach gwyrdd gwastraff bwyd i’r gegin
• Cadi Mawr Brown gwastraff bwyd
• Bagiau melyn

Mannau presennol hybiau ailgylchu

Gellir casglu mwyafswm o ddau flwch, cadi neu sach ailgylchu o:

• Canolfan Treftadaeth y Byd, Blaenafon (dydd Mawrth i ddydd Sul, 10am tan 5pm)
• Y Ganolfan Ddinesig, Pont-y-pŵl (dydd Llun i ddydd Gwener, 9am tan 5pm)
• Llyfrgell Cwmbrân 
• Canolfan Ailgylchu Gwastraff y Cartref yn y Dafarn Newydd

Ydych chi’n cludo blychau ailgylchu? 

I drigolion sy’n ddeiliaid bathodyn glas, sy’n cael casgliad â chymorth, neu sy’n wirioneddol ddim yn gallu mynd i’r pedwar hwb oherwydd rhesymau meddygol neu eraill, gellir cludo eitemau atoch chi ar gais.

Gofyn am gynhwysydd ailgylchu

A fydd yr hybiau ar agor pob diwrnod yr wythnos? 

Mae gan bob hwb oriau agor gwahanol felly sicrhewch os gwelwch yn dda eich bod yn edrych ar y rhain cyn ymweld. 

Pam ydych chi’n lleihau nifer yr hybiau? 

Gyda phroblemau ar hyn o bryd gyda chyflenwad cynwysyddion ledled y DU, bydd y dull yma’n gwella sut mae cynwysyddion ar gael trwy sicrhau bod stoc ddigonol yn yr hybiau ar bob adeg, gyda disgwyl cyflenwadau ddwywaith yr wythnos.

Cyn y pandemig, dim ond pedwar hwb oedd yn cadw cynwysyddion ailgylchu.

Cynyddwyd nifer yr hybiau yn ystod pandemig covid er mwyn hwyluso cyrraedd cynwysyddion yn fwy lleol.

Mae adolygiad diweddar o ddosbarthu cynwysyddion ailgylchu wedi canfod fod y system bresennol yn aneffeithlon.

Trwy leihau nifer yr hybiau sy’n cadw cynwysyddion, bydd yn haws sicrhau bod pob hwb yn cael cyflenwad rheolaidd o gynwysyddion.   

Pam ydych chi wedi dewis yr hybiau yma? 

Mae’r hybiau wedi eu dewis oherwydd eu bod yn cynnig mannau casglu ar hyd a lled y fwrdeistref.  Hefyd, mae staff yn yr hybiau yma i helpu i sicrhau bod dosbarthiad y stoc yn cael ei reoli’n effeithiol.