Anawsterau Dysgu Penodol

Mae nifer o gyflyrau niwrolegol sy'n effeithio ar allu plant i ddarllen, ysgrifennu neu brosesu gwybodaeth.

Mae'r rhain yn cynnwys dyslecsia, dyspracsia, dyscalcwlia a dysgraffia.

Nid yw Anawsterau Dysgu Penodol yn effeithio ar ddeallusrwydd y plentyn ond efallai y bydd angen iddynt ddysgu mewn ffordd wahanol neu gael cymorth ychwanegol.

Mae gan Dorfaen athro arbenigol sy'n rhoi cyngor a chefnogaeth i ysgolion i ddiwallu anghenion llythrennedd eu disgyblion.

Bydd yr athro Anawsterau Dysgu Penodol ar gael i gwrdd â staff yr ysgol i drafod y plant sy'n derbyn cymorth ychwanegol gan yr ysgol, i helpu i adolygu cynnydd a threfniadau cymorth. 

Gellir cefnogi disgyblion a nodwyd mewn sawl ffordd: 

• gweithio mewn grwpiau gyda Chynorthwyydd Cymorth Dysgu (CCD) gyda chefnogaeth cyngor ac arweiniad gan yr athro arbenigol.
• defnyddio deunyddiau gwahaniaethol a strategaethau penodol yn yr ystafell ddosbarth

Os oes gennych ofidion am sgiliau llythrennedd eich plentyn, siaradwch â'i athro neu gydlynydd anghenion dysgu ychwanegol yr ysgol..