Help2Own Plus

Beth yw Help2Own Plus?

Os ydych yn gweithio ond angen help i brynu neu rentu eich cartref eich hun, gall y cynllun Help2Own Plus helpu.  

Mae'r bartneriaeth rhwng Cyngor Torfaen a landlordiaid cymdeithasol cofrestredig lleol yn cynnig yr opsiynau ecwiti a rennir fel a ganlyn:  

Rhentu 

Mae rhenti Help2Own Plus yn costio llai na rhenti preifat ond maent ychydig yn ddrutach na rhenti tai cymdeithasol.  

I wneud cais, rhaid bod ymgeiswyr yn gweithio ac yn ennill rhwng £15,000-£40,000, naill ai'n unigol neu fel incwm ar y cyd. Bydd angen i chi dalu mis o rent ymlaen llaw ac efallai y bydd angen blaendal arnoch. 

Perchentyaeth â Chymorth – Adeiladau Newydd  

Bydd gofyn i chi godi morgais am 70% o werth yr eiddo heb orfod talu unrhyw rhent.

Rhanberchenogaeth – Adeiladau Newydd 

Fe’i gelwir hefyd yn 'prynu/rhentu’n rhannol'. Bydd yr opsiwn hwn fel arfer yn cynnig morgais o 50% a 50% rhent. Gall perchnogion brynu'r gyfran sy'n weddill o'u cartref pan fyddant yn gallu gwneud hynny. 

Perchentyaeth â Chymorth  – Dewis Eich Hun 

Mae Llywodraeth Cymru yn darparu cyllid i helpu rhai pobl i brynu eiddo. Bydd angen morgais gwerth 70% arnoch. 

Help2Own Plus – i fod yn gymwys  

Mae'n rhaid i chi fod: 

• Dros 18 oed
• Yn gallu cael morgais (Cynlluniau perchentyaeth) 
• Methu fforddio cyfraddau’r farchnad ar hyn o bryd (Cynlluniau perchentyaeth) 

Bydd angen rhywfaint o gynilion arnoch ar gyfer y costau sy'n gysylltiedig â phrynu eiddo, e.e. ffioedd cyfreithiwr, symud ac ati, ynghyd â hyd at £1000 i dalu am gostau gweinyddol. 

I wneud cais i'r cynllun Help2Own Plus, cysylltwch ar 01495 742629 neu e-bostiwch help2own@torfaen.gov.uk 

Byddwch yn derbyn pecyn cais a fydd yn gofyn pa opsiwn sydd o ddiddordeb i chi – gallwch ddewis mwy nag un. 

Pan fydd y cais wedi'i dderbyn, anfonir llythyr atoch yn cynnwys eich rhif cofrestru unigryw.   

Pan fydd eiddo'n dod ar gael, bydd y Landlord Cymdeithasol Cofrestredig (TCC) enwebedig yn cysylltu â chi i roi cyngor ar eiddo sydd ar gael/cyllid, yn dibynnu ar eich dewis a'r lefel fforddiadwyedd.

Cysylltwch â thîm Help2Own ar help2own@torfaen.gov.uk os oes unrhyw newidiadau yn eich amgylchiadau personol neu eich aelwyd.