Cynllun ECO4 Flex

Trosolwg 

Rydym yn gweithio gyda chwmnïau ynni a Phrifddinas-Ranbarth Caerdydd, sy’n cynrychioli 10 awdurdod lleol de-ddwyrain Cymru, i gefnogi cartrefi sydd heb eu hinswleiddio’n dda - a chynorthwyo’r aelwydydd hynny i ddefnyddio ynni’n fwy effeithlon a lleihau effaith biliau ynni cynyddol. 

Fel rhan o gynllun cenedlaethol  ECO4 bydd EDF a chwmnïau ynni eraill yn buddsoddi mewn cynlluniau cymunedol i ddefnyddio ynni’n effeithlon, gan gefnogi cartrefi sy’n wynebu tlodi tanwydd a’r aelwydydd hynny sy’n cynnwys unigolion â chyflyrau iechyd sy’n waeth am eu bod yn byw mewn cartref oer.

Trwy ein partneriaeth gyda CCR ac EDF, rydym yn annog ceisiadau ar gyfer y cynllun ECO4 trwy ECO4 Flex.

Cymhwystra

Mae ceisiadau ar gyfer cynllun ECO4 Flex yn agored i aelwydydd sydd yn:

Berchen ar eu cartrefi neu’n eu rhentu’n breifat, ac sy’n bodloni’r meini prawf canlynol:

• Tystysgrif EPC ar gyfer eu cartref sy’n dangos gradd E neu is ac yn
• Derbyn cymorth incwm, neu’n
• Ennill incwm cartref sy’n llai na £31,000 neu’n
• Dioddef o gyflwr iechyd sy’n eu gwneud yn gymwys ee cyflwr cardiofasgwlaidd, resbiradol, cyflwr gwrthimiwnedd neu anawsterau symud
• Os nad ydych yn gwybod beth yw sgôr TPY eich eiddo ar hyn o bryd, rhowch glic ar www.gov.uk/find-energy-certificate

O ran y cartrefi sydd heb nwy ar hyn o bryd, sy’n cael eu gwresogi gan drydan, tanwydd solet, LPG neu olew - gall mesurau nodweddiadol a ariennir, gynnwys:

• Inswleiddio waliau ceudod neu waliau solet
• Inswleiddio atig
• Inswleiddio ystafell mewn to
• Gosod Paneli Ffotofoltaig Solar
• Mesurau gwresogi adnewyddadwy ee Pympiau Gwres Ffynhonnell Aer

O ran cartrefi sy’n defnyddio nwy i’w gwresogi, mae’r meini prawf canlynol yn berthnasol:

• Rhaid i'ch boeler nwy presennol fod yn foeler cefn neu'n foeler ar lawr
• Rhaid i’ch boeler nwy presennol fod yn 18 oed o leiaf
• Rhaid i’ch boeler presennol fod yn foeler nad yw'n cyddwyso (mae ganddo danc dŵr poeth)

Gwneud cais

gael gwybod a ydych yn gymwys i wneud cais am ECO4 Flex ac i wneud cais, ewch i cityenergyportal.powerappsportals.com . Sylwch na allwn dderbyn ceisiadau yn uniongyrchol gan drigolion - rhaid i bob cais ddod drwy’r contractwr City Energy.

Mae’r cynllun ar gael tan 31 Mawrth 2026.

Os ydych yn derbyn mesurau effeithlonrwydd ynni o dan y cynllun hwn, cofiwch mai rhwng perchennog y cartref a’r contractwr y bydd y contract, ac nid Cyngor Torfaen. Ni fydd y cyngor yn derbyn cyfrifoldeb am unrhyw golled a achosir neu a allai ddod i’r amlwg o dan y cynllun penodol hwn.