Deddf Llesiant Cenedlaethau'r Dyfodol

Mae Deddf Llesiant Cenedlaethau’r Dyfodol 2015 yn dweud bod rhaid i gyrff cyhoeddus fel y cyngor ddatblygu mewn ffordd gynaliadwy – y broses o wella lles economaidd, cymdeithasol, amgylcheddol a diwylliannol yng Nghymru.

Mae'n ofynnol i'r Cyngor gyhoeddi ei amcanion llesiant mewn datganiad sy'n dangos sut mae'n defnyddio datblygu cynaliadwy wrth wneud penderfyniadau trwy:

• Edrych yn hirdymor, fel nad yw'n peryglu gallu cenedlaethau'r dyfodol rhag diwallu'u hanghenion;
• Cymryd ymagwedd integredig, er mwyn edrych ar yr holl nodau lles wrth benderfynu ar ein hamcanion lles;
• Cynnwys amrywiaeth o'r boblogaeth yn y penderfyniadau sy'n effeithio arnynt;
• Gweithio gydag eraill mewn ffordd gydweithredol i ddod o hyd i atebion cynaliadwy a rennir; a
• Deall achosion sylfaenol y problemau er mwyn eu hatal rhag digwydd.

Trwy gyhoeddi datganiad llesiant, rhaid i’r cyngor osod ac egluro ei amcanion lles. Rhaid cynllunio’r amcanion lles i wneud y mwyaf o gyfraniad y cyngor yn nhermau cyflawni pob un o saith o nodau lles Cymru.

• Cymru Lewyrchus
• Cymru gydnerth
• Cymru iachach
• Cymru sy’n fwy cyfartal
• Cymru o gymunedau cydlynus
• Cymru â diwylliant bywiog lle mae’r Gymraeg yn ffynnu
• Cymru sy’n gyfrifol ar lefel byd-eang

Datblygwyd y Cynllun Sirol newydd, ochr yn ochr â’r Adroddiad Hunanasesiad a Llesiant Blynyddol a Datganiad Llesiant Statudol y Cyngor sy’n nodi'r dystiolaeth ar gyfer y cynllun hwn. Mae'r Cynllun Sir yn nodi 9 blaenoriaeth allweddol a fydd, gyda'i gilydd, yn ffurfio'r amcanion llesiant drwy gydol y cynllun.

Mae’r dogfennau a ganlyn ar gael i’w lawr lwytho:

• Datganiad Lles 2022/27 
• Amcanion Llesiant 2021/23
• Datganiad Lles 2020/21 (yn cynnwys Adroddiad Lles y Cyngor ar gyfer 2018/19)
• Datganiad Lles 2019/20 (yn cynnwys Adroddiad Lles y Cyngor ar gyfer 2017/18)