Cwmbrân y Dyfodol

Cynllun adfywio newydd i weld sut y dylid gwario grant Cynllun Tymor Hir i Drefi gwerth £20miliwn gan Lywodraeth y DU yw Cwmbrân y Dyfodol.

Bydd y cyllid yn cael ei ryddhau’n raddol dros y 10 mlynedd nesaf, gan ddechrau yn 2024, a bydd yn canolbwyntio ar:

• Adfywio, y stryd fawr a threftadaeth
• Taclo ymddygiad gwrthgymdeithasol, gan wella diogelwch
• Gwella cysylltedd – cerdded/seiclo/trafnidiaeth

Bydd y cynllun yn cynnwys canol y dref a’r ardaloedd cyfagos.

Ymgynghoriad Cyhoeddus

Mae gwaith yn mynd rhagddo ar hyn o bryd i ddatblygu'r cynllun. 

Bydd gwybodaeth leol ynghyd â barn pobl leol sy’n byw ac yn gweithio yng Nghwmbrân yn llywio datblygiad y cynllun ac yn dylanwadu ar benderfyniadau ar sut i wario’r gronfa fuddsoddi gwerth £20m.

Roedd cyfle i aelodau'r cyhoedd ddarganfod mwy am brosiect Cwmbrân y Dyfodol a chael dweud eu dweud am Gwmbrân, trwy raglen o weithgareddau ymgysylltu â'r cyhoedd a gynhaliwyd ar draws Cwmbrân, gan gynnwys gweithdai, sesiynau galw-heibio a holiadur ar-lein

Bwrdd Tref Cwmbrân

Mae’r cynllun yn cael ei ddatblygu a bydd yn cael ei gyflenwi gan Fwrdd Tref Cwmbrân, sydd wedi ei sefydlu i reoli’r prosiect.  Mae’r bwrdd yn cynnwys trigolion, busnesau a grwpiau cymunedol lleol. Bydd y Cyngor yn cefnogi’r bwrdd ac yn goruchwylio’r penderfyniadau sy’n cael eu gwneud er mwyn sicrhau eu bod yn bodloni gofynion Llywodraeth y DU.

Mae’r bwrdd yn cyfarfod 4 gwaith y flwyddyn.  Mae gwaith papur y Bwrdd, agendâu a chofnodion cyfarfodydd ar gael.