Y Gronfa Ffyniant Gyffredin

Mae Cronfa Ffyniant Gyffredin y DU yn rhaglen gan Lywodraeth y DU sy'n darparu cyllid i fuddsoddi’n lleol mewn cymunedau, busnesau a phobl a sgiliau.

Rhwng 2022-2025, fe gafodd Cyngor Torfaen £24m, a buddsoddi mewn 20 o brosiectau sy'n canolbwyntio ar gefnogi sgiliau pobl, gwella cymunedau a lleoedd lleol a chefnogi busnesau lleol.

Roedd y prosiectau hefyd yn mynd i'r afael ag Amcanion Llesiant Cynllun Sirol y Cyngor.  

Mae'r rhaglen gyllido’r Gronfa Ffyniant Gyffredin wedi'i hymestyn tan 31 Mawrth 2026, ac ar ôl hynny bydd fframwaith cyllido newydd yn ei disodli. 

Eleni, dyrannwyd £8,283,380 i Gyngor Torfaen, a fydd yn cael ei ddefnyddio i gefnogi prosiectau sy'n canolbwyntio ar yrru datblygu economaidd, seilwaith cymunedol, effeithlonrwydd ynni a mesurau atal.  

Maent yn cynnwys: 

• £1.2m ar gyfer cae 3G yn Ysgol Uwchradd Cwmbrân 
• £1m i ddatblygu Caffi Pont-y-pŵl a’r Hwb Diwylliannol
• £250,000 o grantiau i wella eiddo yng nghanol y dref
• £500,000 ar gyfer Prosiect Ynni Glân Torfaen
• £540,746 ar gyfer menter Economi Bwyd Da Torfaen

Effaith a manteision y Gronfa Ffyniant Gyffredin

Roedd canlyniadau rhaglen ariannu 2022-2025 yn Nhorfaen yn cynnwys:    

Pobl a sgiliau

• Cafodd 800 o bobl eu helpu i fyd gwaith
• Cafodd 456 o bobl gymorth i ailhyfforddi
• Llwyddodd 1045 i gwblhau cwrs neu ennill cymhwyster
• Llwyddodd 652 o bobl i ennill trwydded alwedigaethol
• Cafodd 1411 o bobl gymorth gan raglen rhifedd Lluosi

Cymuned a lle

• Gwnaed gwelliannau i 164 o safleoedd, 1,313 o fannau cyhoeddus a 39 o amwynderau
• Gwnaed 3,480 o ardaloedd yn hygyrch i gadeiriau olwyn
• Rhoddwyd 168 o grantiau i sefydliadau cymunedol a chynorthwywyd 279 pellach

• Cynhaliwyd 267 o ddigwyddiadau a gweithgareddau cyhoeddus
• Plannwyd 2,500 o goed newydd
• Crëwyd 502 o gyfleoedd gwirfoddoli
• Cynyddwyd y niferoedd sy’n defnyddio llwybrau beicio a llwybrau troed

Cefnogi busnesau lleol

• Crëwyd 64 o swyddi newydd a diogelwyd 118 o swyddi
• Crëwyd 22 o fentrau newydd, a rhoddwyd cymorth i 1,367 pellach
• Cafwyd 319 o grantiau menter
• Gosodwyd 13,871 offer ynni carbon isel neu di-garbon