Economi Sylfaenol Torfaen

Mae’r tîm Economi Sylfaenol yma i helpu busnesau newydd a bach i ffynnu.

Mae ein ffocws ar gefnogi busnesau yn yr economi sylfaenol, sy’n darparu nwyddau a gwasanaethau y mae eu hangen arnom ni bob dydd, fel bwyd, gwasanaethau adwerthu ac iechyd.

Bydd y tîm yn gweithio’n benodol gyda busnesau newydd, busnesau cychwynnol a phobl busnes sydd yN, neu’n ystyried symud i, strydoedd mawr a chanol trefi Pont-y-pŵl a Blaenafon.

Gall y tîm Economi Sylfaenol roi:

• Cefnogaeth i helpu busnesau ddechrau a dod yn gynaliadwy.
• Mentora 1-2-1 i ddatblygu syniadau busnes.
• Cyfleoedd hyfforddiant a datblygiad sgiliau.
• Cyfleoedd i rwydweithio gyda busnesau a sefydliadau eraill.
• Cyllid grant wedi'i dargedu i fusnesau (mae yna feini prawf cymhwystra) a dangos y ffordd at ffynonellau cyllid posibl eraill
• Mynediad at ofod swyddfa a gwasanaethau yn y man gweithio Hwb Menter ym Marchnad Dan Do Pont-y-pŵl

Dysgwch fwy

Cwblhewch ffurflen Mynegiant o Ddiddordeb a’i danfon at foundationaleconomy@torfaen.gov.uk