Clwb Busnes

Gwnewch yn siŵr mai 2026 yw’r flwyddyn y byddwch chi’n dod yn rhan o’ch rhwydwaith busnes lleol a chwrdd â busnesau tebyg yn ardal Torfaen.

Llais Busnes Torfaen yw clwb busnes ffyniannus Torfaen sy’n bodoli ers dros 20 mlynedd. Daw’r aelodau o ystod eang o sectorau a meintiau amrywiol; o fusnesau cychwynnol newydd sbon i fusnesau bach a chanolig sydd wedi eu hen sefydlu. Mae ganddynt brofiad helaeth sy’n cael ei rannu yn y digwyddiadau rhwydweithio hynod boblogaidd.

Mae’r clwb yn cael ei redeg gan bwyllgor o fusnesau, sy’n rhan annatod o’i lwyddiant. Mae’r aelodau dan sylw yn awyddus i wneud gwahaniaeth, a llywio’r clwb i’r cyfeiriad a benderfynir gan ei aelodau.

Cyfarfod Nesaf

Dydd Iau 29 Ionawr 2026 yn Page’s Fish & Chips, Cwmbrân NP44 3EW

A ydych chi'n berchennog busnes lleol neu'n weithiwr proffesiynol sy'n awyddus i dyfu eich rhwydwaith, rhannu syniadau, a chysylltu â phobl o'r un anian?

Clwb rhwydweithio busnes Torfaen yw Llais Busnes Torfaen, a byddem wrth ein bodd yn dangos i chi beth ydym ni i gyd amdano!

Mae'r digwyddiad anffurfiol hwn yn gyfle perffaith i:

• Cwrdd ag aelodau presennol TBV
• Darganfod manteision ymuno â'n cymuned fusnes fywiog
• Mwynhau sgwrs wych mewn lleoliad hamddenol

P'un a ydych chi'n entrepreneur profiadol neu newydd ddechrau, mae Llais Busnes Torfaen yn cynnig amgylchedd cefnogol i helpu eich busnes i ffynnu.

Dewch draw, gweld beth all Llais Busnes Torfaen ei wneud i chi, a mwynhau pysgod a sglodion blasus tra byddwch chi wrthi!

Mae tocynnau AM DDIM i Aelodau; Nid aelodau - £12.95 sy'n cynnwys swper pysgod a sglodion.

Os ydych chi am gymryd aelodaeth 12 mis cyn y digwyddiad mis Mawrth canlynol, bydd hyn yn cael ei dynnu o'r aelodaeth ffi.

I gadw eich lle, cysylltwch ar businessdirect@torfaen.gov.uk

Pam bod yn rhan o Lais Busnes Torfaen? 

Cyfle i ddatgloi cyfleoedd rhwydweithio! Cysylltwch â gweithwyr proffesiynol o'r un anian, meithrin cysylltiadau gwerthfawr, a gwylio'ch busnes yn ffynnu trwy ein digwyddiadau rhwydweithio deinamig.

Byddwch yn barod i gael eich ysbrydoli! Mae ein digwyddiadau chwarterol yn cyflwyno siaradwyr gwadd sy'n ysgogi’r meddwl, drwy rhannu eu storïau a’u harbenigedd i danio’ch ysbryd entrepreneuraidd. 

Mynnwch Wybod a Mynnwch Rym!  Cadwch ar y blaen drwy gael gwybod am y cyfleoedd hyfforddi ac ariannu diweddaraf. Rydym wedi ymrwymo i gyfleu’r wybodaeth ddiweddaraf i chi fel y gall eich busnes gyrraedd uchelfannau newydd. 

Mathau o Aelodaeth 

Rydym yn cynnig ystod o fathau o aelodaeth i weddu i bob busnes ac unigolyn. 

Aelodaeth Flynyddol 

• Aelodaeth Sengl - £60 +TAW fesul busnes ar gyfer un aelod
• Aelodaeth ar y Cyd – £90 +TAW ar gyfer dau aelod o'r un busnes

Cynnwys:

• Aelodaeth dreigl 12 mis
• Cyfle i fynychu pedwar digwyddiad chwarterol y flwyddyn
• Gwahoddiad i ddigwyddiadau ychwanegol i aelodau yn unig

Beth am gael blas ar Aelodaeth 

Os nad ydych chi neu gydweithiwr yn eich sefydliad wedi mynychu cyfarfod Llais Busnes Torfaen o’r blaen, gallwch fynychu'ch cyfarfod cyntaf fel cyfarfod 'blasu'.

Un person o un sefydliad, un tro!  Mae'n rhoi cyfle i chi weld beth yw'r Clwb Busnes a chael blas ar un o'r cyfarfodydd chwarterol, am ddim.   (Sylwch nad yw sesiynau blasu ar gael ar gyfer pob digwyddiad)

Talu Wrth Fynychu

Wedi'i gynllunio ar gyfer unigolion neu fusnesau sydd eisiau mynychu ambell i ddigwyddiad, neu sydd wedi mynychu i gael blas, ac a hoffai ddod unwaith eto.  Am bris o £20 + TAW, y pen, fesul digwyddiad yn unig, dyma ffordd hawdd o fynychu'r clwb busnes yn rheolaidd heb fod yn aelod blynyddol.

I ymuno â Llais Busnes Torfaen, llenwch ffurflen gais a thalu, ac ar ôl hynny fe gewch gadarnhad o'ch aelodaeth. 

Ymuno â Llais Busnes Torfaen

Aelodaeth Academi Llais Busnes Torfaen

Mae Academi LlBT wedi'i chreu i gefnogi busnesau cyn iddynt gychwyn, entrepreneuriaid ifanc, a busnesau newydd (masnachu am lai na 12 mis). Mae aelodau'r academi yn elwa o arweiniad pwrpasol a chyfleoedd rhwydweithio, i helpu i dyfu busnesau aelodau'r academi.

Nodweddion Allweddol a Manteision Academi LlBT:

• Aelodaeth LlBT am 12 mis:  Noddwyr y digwyddiad sy’n talu costau aelodaeth yr academi
• Mentora Personol a Chyfleoedd am Arweiniad Arbenigol: Gwahoddir aelodau'r academi i gael mynediad at fentoriaid Sbring Ar-lein i fwrw golwg gwerthfawr ar faterion busnes.
• Digwyddiadau a Chyfleoedd Rhwydweithio Unigryw:  Cyfle i fynd i 4 cyfarfod dros gyfnod o 12 mis a chysylltu â chyfoedion, mentoriaid ac entrepreneuriaid eraill.
• Cymorth Busnes: Mynediad at hyfforddiant busnes ychwanegol a chyfleoedd i gael cyllid drwy Wasanaeth Cyswllt Busnes Torfaen.

Edrychwn ymlaen at eich croesawu i Lais Busnes Torfaen.  Os oes gennych unrhyw gwestiynau cyn cofrestru, neu os oes gennych ddiddordeb i gael gwybod mwy am gyfleoedd noddi, cysylltwch â ni ar businessdirect@torfaen.gov.uk neu ffoniwch 01633 648735

Diwygiwyd Diwethaf: 10/12/2025 Nôl i’r Brig