Ysgol Gynradd Griffithstown

Mae Ysgol Gynradd Griffithstown wedi'i lleoli yng nghalon y gymuned.  Mae modd cyrraedd yr ysgol, sy'n berl cudd gwirioneddol, o ben pellaf Florence Place ac mae'n agor i ddatgelu tirwedd o feysydd chwarae helaeth sy'n ffinio â'r gamlas a Maes Criced Panteg.  Yn dilyn gwaith ailwampio ac ymestyn mawr, mae gan Ysgol Gynradd Griffithstown le i ddau ddosbarth ym mhob grŵp blwyddyn, a chaiff pob grŵp blwyddyn ei drefnu'n amgylcheddau dysgu hyblyg.  Y tu allan, ceir mannau penodol i blant y cyfnod sylfaen gael chwarae yn yr awyr agored, yn ogystal ag ardal ysgol goedwig, dau gae mawr ac iardiau chwarae.  Y tu mewn, mae'r neuadd wedi'i hymestyn ac mae drysau rhannu wedi'u hychwanegu sy'n caniatáu i ddau weithgaredd gael eu cynnal ar yr un pryd. Mae'r ddarpariaeth hon yn golygu bod modd cynnal amrywiaeth o weithgareddau chwaraeon ac iechyd/hamdden ar gyfer yr holl blant. Mae cymuned yr ysgol yn darparu ar gyfer plant o 3 i 11 oed ac mae lle yn yr ysgol i 420 o blant, gyda dosbarth meithrin â 52 o leoedd sy'n gweithredu yn y bore a'r prynhawn.