Gwnewch gais am brydau ysgol am ddim i'ch plentyn
Trosolwg
Os ydych chi'n rhiant neu'n warcheidwad plentyn yn yr ysgol, efallai y byddan nhw'n gymwys i gael prydau ysgol am ddim.
Os yw eich plentyn yn yr ysgol gynradd, byddai hyn yn cynnwys un cinio am ddim y dydd. I’r plant hynny yn yr ysgol uwchradd, byddai hyn yn cynnwys lwfans dyddiol i dalu am eu cinio.
Mae'r wybodaeth am bwy sy'n derbyn prydau ysgol am ddim yn breifat.
Mae prydau ysgol am ddim wedi newid
Bydd angen i rieni a gwarcheidwaid cymwys wneud cais am y Cynllun Prydau Ysgol am Ddim.
Ers cyflwyno Prydau Ysgol Am Ddim i Blant Ysgolion Cynradd (UPFSM), bydd pob plentyn mewn ysgol gynradd yng Nghymru yn derbyn prydau ysgol am ddim erbyn Medi 2024.
Mae pob plentyn yn yr ysgol gynradd yn Nhorfaen yn eu derbyn erbyn hyn.
Gwneud cais am y cynllun Prydau Ysgol am Ddim i dderbyn mathau eraill o gymorth
Dylech barhau i wneud cais am Brydau Ysgol am Ddim os ydych yn gymwys hyd yn oed pan fydd y cynllun yn cael ei gyflwyno a bod eich plentyn eisoes yn derbyn prydau ysgol am ddim.
Mae hyn oherwydd:
- gallech fod yn gymwys i gael cymorth arall, fel y Grant Hanfodion Ysgol
- gallai eich ysgol gael mwy o arian
Cymhwysedd
Gallech fod yn gymwys os ydych yn rhiant neu'n warcheidwad i blentyn yn yr ysgol, a'ch bod yn derbyn un o'r budd-daliadau hyn.:
- Cymhorthdal Incwm
- Lwfans Ceisio Gwaith
- Lwfans Cyflogaeth a Chymorth (Yn gysylltiedig ag incwm)
- Credyd Treth Plant (nid ydych yn gymwys os ydych hefyd yn derbyn Credyd Treth Gwaith)
- Credyd Pensiwn
- Cymorth dan Ddeddf Mewnfudo a Cheiswyr Lloches 1999
- Credyd Cynhwysol
Os ydych yn derbyn Credyd Cynhwysol, rhaid bod enillion eich cartref yn llai na £7,400 y flwyddyn ar ôl treth. Nid yw hyn yn cynnwys unrhyw incwm o fudd-daliadau.
Gwneud cais
Gwnewch gais am Brydau Ysgol am Ddim os ydych yn gymwys, hyd yn oed os yw eich plentyn eisoes yn derbyn prydau ysgol am ddim pan gyflwynir Prydau Ysgol Am Ddim i Blant Ysgolion Cynradd.
Gallwch wneud cais ar unrhyw adeg.
I wneud cais, bydd angen eich:
- manylion cyswllt
- Manylion y plentyn
- Enw'r ysgol
- Rhif Yswiriant Gwladol (os yw ar gael)
Gwneud Cais am Brydau Ysgol am Ddim / Grant Hanfodion Ysgol
Beth fydd yn digwydd nesaf?
Byddwch yn cael e-bost gennym ni i gadarnhau os a phryd y bydd eich plentyn yn dechrau derbyn prydau ysgol am ddim.
Cysylltu
Os oes gennych unrhyw gwestiynau am eich cais neu os oes angen help arnoch i wneud cais, gallwch:
Gallwch hefyd gysylltu â'ch ysgol os oes gennych unrhyw gwestiynau neu os oes angen help arnoch i wneud cais.
Diwygiwyd Diwethaf: 20/12/2024
Nôl i’r Brig