Wedi ei bostio ar Dydd Mawrth 17 Mehefin 2025
Mae disgyblion yn cael eu gwahodd i gymryd rhan mewn cystadleuaeth newydd i ddathlu uchafbwyntiau bywyd ysgol.
Eu tasg yw llunio dyluniadau creadigol ar gyfer baneri, poster a lluniau digidol i ddathlu amrywiaeth y gweithgareddau, adnoddau a’r gefnogaeth sydd ar gael mewn ysgolion ac ysbrydoli disgyblion i ddod i’r ysgol yn rheolaidd.
Mae gan ysgolion tan ddydd Mercher, Gorffennaf 16 i gyflwyno’u ceisiadau er mwyn cael cyfle i ennill hyd at £500 mewn talebau.
Dywedodd y Cyng. Richard Clark, Aelod Gweithredol dros Blant, Teuluoedd ac Addysg: "Cafodd ymgyrch Ddim Yno Colli Allan ei lansio yn 2022 ac, ers hynny, mae wedi ymddangos mewn dros 20 o ysgolion ac mae wedi cyrraedd dros 1,100,000 yn y cyfryngau cymdeithasol!
"Mae disgyblion wrth galon yr ymgyrch ac rwy’n edrych ymlaen at weld eu dyluniadau yn dathlu’r rhesymau y maen nhw’n hoffi mynd i’r ysgol."
Mae yna ddau gategori – dyluniad ysgol gynradd a dyluniad ysgol uwchradd – gyda thair gwobr i bob categori:
* Gwobr 1af – Taleb o £500 a throi’r dyluniad buddugol yn faner finyl a ffrâm llun digidol
* 2il wobr – Taleb o £250 a throi’r dyluniad buddugol yn boster
* 3ydd wobr – Taleb o £100 a throi’r dyluniad buddugol yn gefndir Teams
Bydd gwobrau hefyd i’r buddugwyr unigol.
Bydd panel yn beirniadu’r gystadleuaeth a chaiff yr enillwyr eu cyhoeddi fis Medi.
Gall ysgolion gyflwyno ceisiadau fel unigolyn, dosbarth neu flwyddyn a gallan nhw ymgeisio mwy nag unwaith.
Mae angen danfon lluniau ar ffurf JPEG, PNG neu PDF at pressoffice@torfaen.gov.uk. Rhowch “NIMO Competition” yn llinell y pwnc.
Mae presenoldeb mewn ysgolion yn Nhorfaen wedi gwella o gyfartaledd o 92 y cant mewn ysgolion cynradd a 88 y cant mewn ysgolion uwchradd yn 2022, ond mae dal o dan lefelau cyn y pandemig.
Mae ymchwil yn dangos fod disgyblion sy’n bresennol 95 y cant o’r amser neu fwy – sef mwyafswm o 10 diwrnod i fwrdd mewn blwyddyn academaidd – yn fwy tebygol o gael graddau A*-C yn arholiadau TGAU.