Cymorth tai i bobl ifanc

Rydyn ni’n cynnig cymorth tai arbenigol i bobl ifanc rhwng 16 a 24 oed sy'n poeni am eu sefyllfa o ran tai. Gallwn helpu gyda:

• Chyfryngu i'ch helpu i barhau i fyw gydag aelodau o'r teulu
• Cymorth gan ein Swyddog Tai Pobl Ifanc
• Llety â chymorth arbenigol

Am ragor o wybodaeth, cysylltwch â Gateway@torfaen.gov.uk neu 01495 766949.

Byw ar eich pen eich hun

Os ydych chi'n barod i fyw ar eich pen eich hun, mae yna sawl peth i'w ystyried, fel ble y byddwch chi'n byw, gyda phwy y byddwch chi'n byw a sut y byddwch chi'n talu'r biliau.

Lawrlwythwch ein canllaw am ddim i fyw'n annibynnol - Setlo i mewn i'ch cartref newydd

Cymorth gyda digartrefedd

Os ydych chi’n unigolyn ifanc sydd mewn perygl o fod yn ddigartref, neu’n byw mewn llety dros dro yn barod, gallwch gael cymorth ar unwaith gan ein Gwasanaeth Datrysiadau Tai. I gysylltu â’r gwasanaeth, anfonwch neges e-bost i housingsolutions@torfaen.gov.uk neu ffoniwch 01495 742303 / 742301.

Gofynnir i chi am eich sefyllfa o ran tai a chewch gymorth wedi'i deilwra sy’n seiliedig ar eich anghenion.

Os ydych chi'n 16 neu’n 17 oed, neu'n gadael gofal ac yn 21 oed neu’n iau, efallai y cewch eich cyfeirio at Wasanaeth Cymorth i Bobl Ifanc Torfaen (TYPSS). Gallwch gael mynediad ato trwy'r llinell ffôn ar-ddyletswydd ar 01633 647525.