Cefnogi Addysgu a Dysgu mewn Ysgolion Lefel 3

Yn dilyn ymlaen o gymhwyster Lefel 2, mae'r cwrs hwn wedi'i gynllunio i helpu'r rhai sy’n gweithio fel cynorthwyydd ysgol i ddeall pwysigrwydd y gwaith hanfodol maen nhw'n ei wneud. Fel rhan o'r cwrs, bydd disgwyl i chi gael profiad ymarferol mewn ysgol neu goleg, a hynny am o leiaf un diwrnod yr wythnos, fel gweithiwr neu wirfoddolwr – felly mae'n bwysig eich bod chi'n trefnu eich lleoliad cyn cofrestru.
Mae'r cwrs hwn i...
…unrhyw un mewn rôl gefnogol mewn ysgol neu goleg fel cynorthwyydd dosbarth neu gynorthwyydd dysgu a chymorth, neu mewn swydd cymorth gwirfoddol. Bydd y cwrs hwn yn rhoi gwybodaeth fanwl i chi, i adlewyrchu pwysigrwydd cefnogi addysgu a dysgu. Gan gydnabod y gefnogaeth hanfodol a geir mewn ysgolion i helpu plant i gyflawni eu potensial, mae'r cwrs hwn yn rhoi cyfle i ddatblygu a throsglwyddo ar draws y gweithlu plant mewn ysgolion.